14 iyun 2022-ci il tarixində Binəqədi rayonunda fəaliyyət göstərən orta ümumtəhsil məktəblərində “Son Zəng” tədbirləri təşkil olundu. Rayonun 83 saylı məktəb-liseyində təşkil olunan tədbirdə Binəqədi Rayon İcra Hakimiyyətinin başçısı Elxan Allahverdiyev, Azərbaycan Respublikası təhsil nazirinin müavini Muxtar Məmmədov, YAP Binəqədi Rayon Təşkilatının sədri Vüsar İsmayılov, Binəqədi Rayon İcra Hakimiyyəti başçısının birinci müavini Leysan Məmmədov, Rayon İcra Hakimiyyəti başçısının müavini Sevinc Süleymanova, Binəqədi Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdiri Nicat Allahverdiyev, Bakı şəhəri üzrə təhsil idarəsinin müdir müvini Xəyalə Əhmədzadə, 83 saylı məktəb-liseyin direktoru Almaz Bayramova, məktəbin müəllim, şagird, valideyn kollektivi və şəhid ailələrinin üzvləri iştirak edirdilər.

Tədbir vətənimizin azadlığı, müstəqilliyi, ərazi bütövlüyü uğrunda canından keçmiş şəhidlərimizin əziz xatirəsinin bir dəqiqəlik sükutla yad edilməsindən və Dövlət Himninin səslənməsindən sonra açıq elan olundu. Tədbiri giriş nitqi ilə açan 83 saylı məktəb-liseyinin direktoru Almaz Bayramova 2021-2022-ci tədris ili ərzində məktəbin əldə etdiyi nailiyyətlərindən, şagirdlərin müvəffəqiyyətlərindən danışaraq, tədbirdə iştirak edən qonaqlara təşəkkürünü bildirdi.

Tədbirdə çıxış edən Azərbaycan Respublikasının təhsil nazirinin müavini Muxtar Məmmədov təhsilə olan dövlət qayğısını xüsusi vurğulayraq, yeni məktəblərin istifadəyə verilməsinin yetişməkdə olan gənc nəslin təlim-tərbiyəsində mühüm rol oynadığını bildirdi. Nazir müavini təhsilin dövlət siyasətinin əsas istiqamətlərindən biri olduğunu vurğuladı və məktəblərin 2021-2022-ci tədris ilinin uğurlarından söhbət açaraq, “Son Zəng” münasibətilə məzunları təbrik etdi.

Ətraflı: http://binegedi-ih.gov.az/az/news/14-iyun-2022-ci-il-tarixinde-bineqedi-rayonunda-fealiyyet-gosteren-orta-umumtehsil-mekteblerinde-son-zeng-tedbirleri-teskil-olundu.html